Җир күчәре янындагы аналар

Кем ата-анасына хөрмәт күрсәтә, Хак Тәгалә шуның гомеренә игелекне арттыра.
Хәдис

БӘЙЛЕ
2015 Янв 12

Кем ата-анасына хөрмәт күрсәтә, Хак Тәгалә шуның гомеренә игелекне арттыра.
Хәдис


Яңа ел таңында тагын шатлыклы хәбәрләр килеп иреште. Игелекле балалар тәрбияләгән анага – Сания Шәрәфетдин кызы Баязитовага 80 яшь тулган икән. Әлеге Ана - “Ярдәм” мәчете имам-хатибы, Татарстан мөфтие урынбасары Илдар хәзрәт Баязитовның, Мәликә Гыйльметдинова, Земфира Юнысованың да әнисе. Ошбу кавем элек-электән игелек һәм изгелек таратучы нәселдән. Сания ханымны тәбрикләргә “Сөләйман” мәчете остазбикәләре дә, шәһәребезнең мөселман хатын-кызлары да килгән иде.

Котлау мәҗлесен “Ярдәм” мәчете хәзрәте Рамил Ибраһимов Коръән укып башлады. Һәрберсенең рәхмәт сүзләре күп иде. Үзара татулык, аңлашу хисе күңелгә рәхәтлек өсти. Әлеге Ананы олылап, аның кияүләре, киленнәре дә Сания ханымга карата хөрмәтләү хисләрен белдерделәр. Кодаларының берсе Сания Анага рәхмәтен әйтеп, намаз укырга өйрәткән өчен җылы теләкләрен әйтте. Оныклар да дәү әниләренә рәхмәтләрен белдерде.

Котлаулар җыр-моң белән аралашып барды. Кытайда туып-үскән Базарбай Бикчәнтәев, моң дәрьясын үзенә җыйган Ринат Вәлиев, җырчы Руслан Баһадур аналар хакында күп җыр башкардылар. Үзем дә яраткан җырым “Азамат”ны анага бүләк иттем. Туган як кадере, ил иминлеге сагында да аналар тора бит.

Әнисен котларга дип, Теләче районы Иске Җөри авылындагы балалар белән Мәликә ханым Гыйльметдинова да килгән иде. Балалар әбиләренә үзләре ясаган эшләнмәләрен бүләк иттеләр. Кичәдә Сания ханым үзенең васыятен, игелекле сүзләрен балаларга, яшьләргә җиткерде.

Кичәне артист Рамил Миңнегалиев алып барды. Саубуллашканда исә Рамил хәзрәтнең догасы бәрәкәтендә, Сания анага һәм аның ул вә кызларына, бер-беребезгә хәерле гамәлләр, бәхет-сәгадәт, тынычлык-иминлек теләп таралыштык. Минемчә, Җир күчәрен Сания ханым сыман хөрмәтле вә ихтирамлы Аналар да саклый шикелле.

Әлмира ҺӘДИЯ, җәмәгать эшлеклесе


Комментарийны калдырыгыз
avatar

Янв 13
Янв 09
Ноя 22
Окт 12
Сен 12
Сен 06
Сен 06
Сен 02
Авг 29
Июл 05
Июн 21
Май 24
Май 20
Май 19
Май 19
Май 14
Май 14
Май 13
Май 12
Май 12

40 тартма
Дин
Мәкаләләр


Вакыйга

Әңгәмәләр
© 2009-2024 "Татар Ислам" мәгълүмат агентлыгы
Сайтка куелган язмаларга барлык хокуклар «Ислам info» медиа-төркеменә карый. Материаллардан файдаланганда гиперсылтама ясау мәҗбүри. Массакүләм мәгълүмат чарасын теркәү турындагы таныклыгы: ИА № ФС-77-45782 13. 07 2011 ел. Элемтә, мәгълүмати технологияләр һәм массакүләм коммуникацияләр өлкәсендә күзәтчелек буенча федераль хезмәт (Роскомнадзор) тарафыннан бирелгән. Урнаштырылган материал 18+. т.8 927 242 35 78
Сайтлар ясау һәм сайт белән идарә итү — «Ариф» студиясе