Татарстанда көннәр җылына

Аллаһының рәхмәте белән Республика раойннарында һаваның 6 градуска кадәр җылынуы көтелә

Иртәгә, 3 ноябрьдә, Татарстанда болытлы һава, күпчелек районнарда юеш кар, яңгыр сибәләргә мөмкин. Төнлә һәм иртән томан, күз күреме 500 метр һәм аннан да кимрәк булачак. Төнлә температура 1 градус салкыннан 3 градус ка кадәр җылы, көндез - 1-6 градус җылы. Төнлә һәм иртән юлларда урыны белән бозлавык.
ТР Гидрометеорология һәм әйләнә-тирә мохитне күзәтү идарәсе белдергәнчә, бигрәк тә көнбатыш районнарда җылы булачак - көндез 4-6, төнлә - 1-3. Республиканың көньяк-көнчыгышында салкынча: көндез 1-3 градус җылы, төнлә - 1 градус салкыннан 1 градуска кадәр җылы.

Иртәгә Казанда болытлы һава, явым-төшем булырга мөмкин. Көндез 3-6 градус җылы, төнлә - 0-3.
4 ноябрь төнендә республикада алмашынучан болытлы һава. Күпчелек районнарда юеш кар һәм яңгыр сибәләргә мөмикн. Төньяк-көнбатыштан 6-11 м/с, урыны белән 14 м/с тизлектә җил. Температура 1 градус салкыннан 3 градуска кадәр җылы тәшкил итә.

«Татар-информ»