![](/_pu/181/45876851.jpg)
Бүген өйлә намазыннан соң "Казан нуры" мәчетендә Исхакова Илһамия Газиз кызына җеназа намазы укылды. “Раббыбыз Аллаһ Илһамия Газиз кызының урынын җәннәт түрләрендә насыйп итсен”, - дип язды үзенең Инстаграм битендә Татарстан мөфтие Камил хәзрәт Сәмигуллин. Җеназа намазын мөфти хәзрәтләре үзе укыды.
![](/_pu/181/37513016.jpg)
Илһамия Газиз кызы Исхакова бүген Казанның Яңа татар бистәсе зиратында җирләнде. Билгеле булганча, Камил Исхаковның әтисе Шамил Исхаков та - шушында мәңгелек йортта.
Без Камил Исхаковның һәм аның якыннарының тирән кайгысын уртаклашабыз.
Римма Гатина.