“Сөләйман” мәчете каршындагы тернәкләндерү үзәгендә курслар эшли башлады

Күзләре күрмәгән һәм начар күрүчеләр өчен «Сөләйман» мәчете каршындагы тернәкләндерү үзәгендә курслар эшли башлады. Бу юлы курслар Россиянең төрле төбәкләреннән килгән хатын-кызлар өчен оештырылды. Укуларга Татарстанның төрле районнарыннан килгән хатын-кызлар кабул ителде. Шулай ук Башкортстаннан, Дзержинск һәм Екатеринбург шәһәрләреннән килгән шәкертләр бар.

Мөслимәләр 3 апрельдә — Казанның "Мәрҗани" мәчетендә оештырылачак «Сөембикә энеләре һәм сеңелләре» Коръән уку бәйгесендә, 5 апрельдә Сукырлар җәмгыятендә бөек татар шагыйре Габдулла Тукайга багышлап уздырылачак кичәдә катнашачак. Алар бер ай дәвамында спектакльләргә һәм башка мәдәни чараларга да алып барылачак.

Бу курсларга килгән шәкертләр Луи Брайль системасы буенча изге китапны-Коръәнне укырга, әйберләр ярдәмендә йөрергә, компьютердан файдалану серләренә төшенәчәк. Казанның «Сөләйман» мәчете каршындагы сукырларны тернәкләндерү үзәге Россиядә бу өлкәдә уңышлы эшләп килүче оешмаларның берседер. Соңгы вакытларда Чечняда да мондый тернәкләндерү үзәген төзергә ниятләүләре билгеледер.

Мәчет реквизитлары:

ММРО Приход «Сулейман» Казанского мухтасибата Духовного управления мусульман Республики Татарстан

420006 РТ Казань ул. Ютазинская 8

ИНН 1658049060

КПП 165801001

р/с 40703810500020000104 в АКБ «Ак Барс» банк

к/с 30101810000000000805

БИК 049205805