Томск шәһәре мәктәпләренә “Дини мәдәниятнең һәм җәмгыять этикасы

Томск шәһәре мәктәпләренә «Дини мәдәниятнең һәм югары җәмгыять (асыл сөякләр) этикасын өйрәнү нигезләре» исемле фән кертелде. Бу курс иң элек толерант булырга, төрле мәдәният өлкәсеннән булган җәмәгать әһелләрен аңларга һәм башка диннәргә ихтирам белән карарга өйрәтә. Дәресләр әлегә 4 һәм 5 нче сыйныфларга кертелде. Шәһәр хакимияте бу экспериментның формалашуын хуплады һәм уңышлы узуы турында белдерде. Томск өлкәсе Мәгариф деппартаментының мәгариф үсеше бүлеге башлыгы Ольга Шушпанова «Интерфакс» хезмәткәрләренә болай дигән: « Экспериментның формалашу мизгелләре бик зур киеренкелек белән үтте, әмма тоткарлыклар, өзеклекләр булмады, бар нәрсәне үз вакытында башладык».

Шулай ук: «Бу курс берничә мәсьәләне чишәргә нигезләнгән. Иң элек — ул программаны камилләштеру, ягъни укытучылар белемнәрен үз-үзләре арттырырга, киңәйтергә тиеш булалар. Болай гына да түгел, балалар юнәлешне сайлаганда әти-әниләрне дә катнаштырырга кирәк, моңа сайлау тәртибе модуленең әле иң камил дәрәҗәгә җитмәгәнлеге сәбәп булып тора. Социумның активлашуына да игътибар итәргә кирәк, чөнки соңгы араларда төрле җәмәгатьчелекнең төрле рәвештә активлашуы күзәтелә»,- дип әңгәмәне тәмамлады Ольга Шушпанова.