Мәдинә шәһәрендә “Гарәп югары уку йортларының исламда уртачалыкны алга чыгарудагы роле” темасына баг

Мәдинә шәһәрендә «Гарәп югары уку йортларының исламда уртачалыкны (умеренность) алга чыгарудагы роле» темасына багышланган конференция башланды. Бу конференция гарәп яшьләре арасында үткәрелә һәм ул 4 көн дәвамында барачак. Мәҗлесне Мәдинә шәһәрендәге Таиба югары уку йорты оештыра, конференция 6 мартта ачылды.

Таиба югары уку йортының ректоры Мансур бин Мөхәммәд Әл-Нуза болай ди: "Без бу конференциядә берничә мәсьәләне - гарәп яшьләре арасында уртачалыкны фәнни һәм гамәли корал итеп алга этәрү; камил ислам диненең карашларын, фикерләрен, гадәтләрен, тәртипләрен аңлату; уртачалыкны алга сөрүдә ярдәм итүче практик програмамалар, фикерләр, тәкъдимнәр бирү; гарәп яшьләрен уртачалыктан читкә юнәлдерүче сәбәпләрне эзләүне максат итеп куйдык».

Мансур бин Мөхәммәд Әл-Нуза конференция кысаларында 11 сессия утырышы үтәчәген һәм 59 фәнни тикшеренү эше игътибар белән каралачагын билгеләп үтте. «Фәнни тикшеренү хезмәтләре түбәндәге темаларга багышланган: уртачалык төшенчәсен өйрәнү; аның югары уку йортларында таралу әһәмияте; студентлар арасында эшчәнлек һәм хезмәттәшлекне стимуллаштыру; ислам диненең толерант кыйммәтләрен алга этәрүче уртачалык ысулларны табу», — дип тә өстәде ректор.