“Идел-хаҗ”һәм ТҖ МДН хаҗ-операторын аккредитацияләү буенча килешү төзеделәр

2011 елның 14 февралендә «Идел-Хаҗ» Төбәкара Хаҗ үзәге һәм Татарстан мөселманнары Диния нәзарәте хаҗ-операторын аккредитацияләү буенча килешү төзеделәр. Республика мөселманнарының изге җирләргә хаҗ сәфәре кылуын оештыруны яхшырту максатыннан, 2011 елда Хаҗ һәм Гомрәгә җибәрү буенча туроператор сыйфатында «Идел-Хаҗ» ТХҮ билгеләнде.

Килешүдә шәрехләнгәнчә, «әлеге компаниянең РФ Хөкүмәте каршындагы Хаҗ буенча советында, Согуд Гәрабстаны Корольлегенең Хаҗ эшләре буенча министрлыгында, Корольлекнең Мәскәүдәге илчелегендә теркәлүен исәпкә алып, «Идел-Хаҗ»га хаҗны Согуд Гәрабстаны Корольлегенең Хаҗ эшләре буенча министрлыгы һәм РФ Хөкүмәте каршындагы Хаҗ буенча советы таләпләренә туры китереп оештыруны йөкләргә» .

ТҖ МДН исә үз чиратында мөхтәсибләр эшенең координаторы санала һәм кешеләрне хаҗ кылырга чакыручы булып тора.