Америкада Коръәннең аудио юрамасын сату беренче урынга чыкты

Коръәннең инглиз телендә “Траут-Лейк-Медия” фирмасы чыгарган тавыш юрамасы (звуковая версия) Америкада иң күп сатыла торган аудио продукцияләр арасына керде.

Анда Алек Санд 14 сәгать 40 минут вакыт эчендә тыңлаучыларга Коръән турында сөйли. Бу төр юрама тәүге тапкыр 2009 елның февралендә тәкъдим ителгән иде.

Әлеге изге китап турында: “Барлык мөселманнар да Коръәнне Аллаһының сүзе дип таныйлар. Шуңа күрә дә ул кемдер тарафыннын мәскәрә ителә, мыскыллана алмый. Бу изге китап 1400 ел элек Җәбраил фәрештә аркылы Мөхәммәд Пәйгамбәргә (с.г.в.) җибәрелүенә карамастан, әлегә хәтле фани дөнья тормышының нигезе булып санала”, - дип сөйләнелә анда.

Изге китапның тавыш юрамасындагы бәясе – 11,41 доллар.