Корбан бәйрәменә җәмәгать транспорты йөриячәк

Күпчелек маршрутлар ял көне графигы буенча эшләячәк.

Линиядә түбәндәге маршрутлар гадәттәгедән азрак булачак:

– автобуслар: № 1, 2, 5, 6, 8, 10, 10а, 12, 15, 23, 29, 30, 31, 35, 35а, 37, 47, 53, 54, 56, 63, 68, 74, 74а, 75, 83, 85, 91, 99, 99а;

– троллейбуслар: №1, 4, 6, 7, 10, 12, 17, 20, 21;

График шәһәрлеләрне Казан мәчетләренә бәйрәм чаралары уза торган урыннарга алып барып җиткезерлек итеп уйланылган, дип хәбәр итә prokazan.ru.

Исегезгә төшерәбез, Корбан бәйрәме иртәгә, ягъни сишәмбе көнне билгеләп үтеләчәк. Бу көн Татарстан Республикасында ял көне итеп билгеләнгән.