Америка хөкүмдарлары мөселманнарга хаҗга барырга киртә куя

«Washington Post» газетасы хәбәр итүенчә, чит ил паспортлары вакытында килеп җитмәгәнлек аркасында Төньяк Вирджиния штатының берничә мөселманы хаҗ сәфәренә бара алмыйча кала дип яза «Тanseerel» басмасы. Редакция фикеренчә бу мөселманнарга карата үсеп килгән дошманлылыктан килеп чыккан эш.

Гәзиттә ничек итеп 17 мөселманның дәртләнеп хаҗ сәфәрен кылырга Мәккәгә барырга җыенуы сүрәтләнә. Алар үз хыялларын тормышка ашырыр өчен меңнән артык Америка доллары сарыф иткәннәр. Алар баштан хаҗ кылу тәртибен өйрәнеп аннары инде туганнары һәм дуслары өчен дога кылырга вәгъдә биргән була.

Аларның кулларында виза һәм билетлары була. Бары тик «UPS» компаниясенә тапшырылган паспортларын гына аласы калган була, әмма ләкин, алар ничектер үз хуҗаларына барып җитә алмый.

Мансасф шәһәре «ДарунНур» мәчете имам хатибы Симал Джумус, хаҗга баралмыйча калганнарның берсе, бу хакта сөйли: «Без компания җитәкчеләреннән безнең паспортлар нинди почта аша киләчәк дип сораган идек, ә алар исә паспортлар белән хатлар җомга көнне югалды дип хәбәр итте.

Даллас аэропорты тикшеренү үзәге хезмәткәрләре аша үткәндә паспортларның югалуы мәгълүм булды. Бу хактагы мәгълүматны яшерен чыганаклар җиткерә.  - Шимбә көнне берникадәр тырышлыклар күрсәтеп документларны кире кайтарып булды, ләкин инде соңга калынды".

Мәчет рәисенең урынбасары сүзләренчә РафиуДдин Ахмад «Шундый зур вакыйга кеше тормышында бер генә тапкыр була. Без киләсе елга исән булабызмы, юкмы, аны беркем дә белә алмый һәм мондый мөмкинлек беркайчанда булмаска мөмкин", - дип зарлана мәчет рәисенең урынбасары РафиуДдин Ахмад.