«Алёнка» шоколады “Хәләл” сертификаты алачак

«Славянка» Россия фабрикасы Казахстанның «Хәләл» сыйфат сертификатын алырга ниятли. Бу хакта Казахстанның Хәләл Индустрия ассоциациясе рәисе Марат Сарсенбаев WorldBood Kazakstan һәм Agroworld Kazakstan күргәзмәләренең матбугат очрашуы барышында җиткерде.

Европа базарында хәләл туклану продуктларының еллык әйләнеше бүген 47 млрд. евро күләмендә исәпләнә. «Славянка» — «хәләл» сертификаты алган чит компанияләре арасында беренче түгел инде.

«Orbit сагызларын җитештерүче Rigly Америка компаниясе Санкт-Петербургтагы вәкиллегендә быел шулай ук сертификат алды. Компания сату күләме һәм продуктка ышанычлылык дәрәҗәсе арту белән бик тә канәгать. Шулай ук Алтай краенда макарон, сыр һәм сөт продукциясе җитештерүче компаниягә дә без сертификат бирдек. 9 ноябрьдә Мәскәүгә һава юлы белән очарга планлаштырабыз, биредә «Славянка» фабрикасы һәм Nutricia балалар ризыгы җитештерүче компания вәкилләре белән очрашачакбыз. Шуннан соң сертификат алуның барлык нюанслары белән дә аңлашып бетәрбез дип торам. Шунысын да билгеләп үтәсем килә, «хәләл»не Казахстан компанияләренә алу аргангарак төшә», — дип аңлатма бирде М. Сарсенбаев.

«Хәләл», аның сүзләренә караганда, мөселман илләре белән ассоциацияләнә, ләкин компания җитәкчеләренең 50 проценты (әлеге сертификатка ия булучыларның) — европалылар, дип яза Profinance.kz.