Казанда “VI Казан халыкара мөселман киносы фестивале кайтавазы” уза

21 октябрьдә “VI Казан халыкара мөселман киносы фестивале кайтавазы” старт алачак. Татарстан башкаласында мөселман киносы фестивален тамаша кылырга өлгерми калганнар кинофорумда катнашкан фильмнарны “Мир” кинотеатрында карый алачак.

“Фестиваль кайтавазы” 21 октябрьдә поляк режиссёры Роман Поланскиның «Пианист» фильмын күрсәтү белән башланып китәчәк. Әлеге фильм быел  VI Казан халыкара мөселман киносы фестивалендә “могтәбәр кунак” сыйфатында катнашкан иде, ул Эдриан Броудиның «Оскар» һәм «Сезар» премияләренә ия.

“Кайтаваз” кысаларында тамашачылар 11 фильм карый алачаклар – алар Халыкара мөселман киносы фестивалендә катнашучылар һәм җиңүчеләр:  

–        «Бибинур» (Юрий Фетинг, Россия – Татарстан) – “Иң яхшы тулы метражлы фильм” бүләгенә лаек булды;

–        «Жасминовые птицы» (Сулафа Хиҗази, Сирия) – “Иң яхшы анимацион фильм” бүләгенә лаек булды;

–        «Свой путь» (Ферейдун Хасанпур, Иран) – “Иң яхшы тулы метражлы фильм режиссура”сы бүләгенә лаек булды;

–        «Гаилә (Семья)» (Марат Сарулу, Казахстан, Германия, Россия, Франция) – “Иң яхшы оператор катнашлыгындагы тулы метражлы фильм» бүләгенә лаек булды;

–        «Америка җиһадчысы” (Американский джихадист)» (Марк Клаувел, АКШ) – “Иң яхшы тулы метражлы документаль фильм” бүләгенә лаек булды;

–        «Хатын-кылар көрәштә (Женщины в борьбе)» (Бусаина Канаан Хоури, Фәләстыйн) – “Иң яхшы кыска метражлы документаль фильм” бүләгенә лаек булды;

–        «Билал» (Сурав Саранҗи, Һиндстан) “Кино сәнгатендәге гуманлылык өчен” дип аталган Татарстан Республикасының махсус бүләгенә лаек булды;

–        «Минем исемем Кхан (Меня зовут Кхан)» (Коран Җоһар, Һиндстан) – тамашачылар симпатиясе бүләгенә – фестивальнең генераль спонсорының махсус призына лаек булды;

–        «Мәккәгә сәяхәт (Путешествие в Мекку)» (Брюс Найбор, Согуд Гарәбстаны, Марокко);

–        «Брелок» (Илдар Ягъфәров, Россия – Татарстан);

–        «Сәйдәш» (Азат Ганиев, Россия – Татарстан).

Фильмнарны күрсәтү кичке вакытта булачак. Тулы манзара (расписание) белән “Мир” кинотеатрының сайтында танышырга мөмкин: www.kinoteatr-mir.ru.