Д. Медведев: “Дәүләт дини эшчәнлеккә кысылмаячак”

«Табигый ки, дини эшчәнлеккә кысылмыйча, дәүләт ныклы динара диалог урнаштыруга төрле яклап йогынты ясаячак, ә бары тик теләсә кайсы диндәге кеше ирекле рәвештә хезмәтен үти алырлык шартлар гына тудыра барачак», — дип белдерде Дмитрий Медведев сишәмбе көнне ФГР президенты Кристиан Вульф белән сөйләшүләр йомгагына багышланган матбугат конференциясендә.

Дәүләт башлыгы сүзләренә караганда, «безнең илебез дә, теләсә кайсы бүтән илләрдәге кебек үк, сәяси максатларны тормышка ашыру өчен псевдодини эквилибристика катнашлыгындагы дини экстремизм чаткылары белән очраша». Президентның бу сүзләрен Интерфакс-Религия порталы китерә.

«Без моңа битараф кала алмыйбыз һәм игътибар белән бу өлкәдә баручы процессларны күзәтеп барачакбыз. Барысыннан да проблемалы булып безнең өчен, әлбәттә, Төньяк Кавказдагы хәлләр кала бирә», — дип белдерде Президент. Дмитрий Медведев ассызыклап узганча,Төньяк Кавказда «төрле сәбәпләр аркасында билгеле бер вакыт аралыгында каршылык көчләре барлыкка килде, нормаль конфессиональ диалогны торгызуга һәм тынычлылыкны көйләү өчен төрле чаралар куллану кирәк булды».

РФ Президенты шунысын да хәтере аша уздырды, Төньяк Кавказда төрле дин вәкилләре — һәм мөселманнар, һәм христианнар гомер сөрә. «Табигый ки, алар арасында нормаль, продуктив диалог барырга тиеш, өстәвенә йөз еллардан артык төрле дин вәкилләре аркага арка терәп яшәгәннәр һәм начар булмаган нәтиҗәләргә ирешкәннәр», — дип әйтте Дмитрий Медведев.