«Сөләйман» мәчетендә хатын-кызлар өчен тернәкләндерү курслары башлана

1 ноябрьдән Казанның«Сөләйман» мәчетендә күрмәүчеләр өчен тернәкләндерү курслары башлана. Биредә күрү сәләтләре әле бераз булса да сакланган кешеләр җыелачак. Бу юлы тернәкләндерү курсларына Россиянең төрле төбәкләреннән 20 хатын-кыз киләчәк. Алар Казаннан, Татарстанның башка районнарыннан, Башкортстан, Чечня, Свердловски кебек чит төбәкләндән килер, дип көтелә.

Күрмәүчеләр бер ай дәвамында Луи Брайль системасы буенча Коръән укырга, махсус программа ярдәмендә компьютерда эшләргә өйрәнәчәк. Шулай ук аларга ислам нигезләре дә укытылачак. Уку-укыту программасыннан тыш, катнашучылар өчен башка төрле чаралар да әзерләнгән. 

Әлеге курслар күрмәүчеләр өчен бушлай булып чыга. Оештыручылар юл чыгымнарын да, ашау-эчү, тору өчен киткән акчаны да үзләре каплый. Тернәкләндерү курсы ахырында һәр катнашучыга «Ярдәм» хәйрия фондының күрмәүчеләр китапханәсе чыгарган аудио китаплар тапшырылачак. Укуда зур уңышка ирешүчеләргә Брайль системасы буенча бастырылган Коръән бүләк ителәчәк. 

Күрмәүчеләр өчен оештырылган бу курслар үткәрүдә ярдәм итәргә теләге булган кешеләр 8 (843)5-120-377 номеры аша «Сөләйман» мәчете белән элемтәгә керә ала. Шулай ук «Ярдәм» фондына акчаны хәзер OSMP (QIWI) түләү терминаллары аша да күчерергә мөмкин.

Мәчетнең реквизитлары:

ТР мөселманнар Диния нәзарәте Казан мөхтәсибәтенең «Сөләйман» мәчете

420006, ТР, Казан, Ютазы урамы,  8 йорт 

ИНН 1658049060

КПП 165801001

р/с 40703810500020000104 АКБ «Ак Барс» банкында

к/с 30101810000000000805

БИК 049205805