Россиядә «мөселман пластик картасы» бар

Илебездә беренче тапкыр мөселманнар өчен пластик карталар дөнья күрде. Аны Башкортостаннның АФ-Банкы чыгара башлады. «Хәләл» дигән (гарәпчәдән - «рөхсәт ителгән») тамгалы банк картларына процент бирелми, димәк мөселман кешесе аңа акча салмаса, ул сумма артмый. Билгеле ки, шәгигать кануннары процентка акча бирүне һәм алуны тыя.

Шунысы кызык, Россиядә ислам динен тотучылар күп булса да, мондый бер банк та мондый хезмәт күрсәтергә ашыкмады. Башкорстан банкы җитәкчелеген «мөселман» картасын ясауга күп клиентларының картага процент исәпләмәвен сорап, гариза язулары этәргән. Соңгы арада мондый гаризалар бигрәк тә ешаеп киткән. АФ-банк хәзер хәләл картада акча саклаган өчен генә түләү ала. Бер елга ул — 140 сум.

«Һәр мөселман шәхси счетындагы акчаның ислам тыйган эшләргә (азартлы уеннар, хәмергә һ.б.) тотылмавын белеп торырга тиеш. Биредә исә процент саналмагач, акча белән бары тик клиент үзе идарә итә», - ди төбәкнең Диния Нәзарәте рәисе Әюп Бибарисов.

Тиздән процентсыз банк картасыннан Удмуртиядә яшәүче мөселманнар да файдалана алачак. Республиканың Диния Нәзарәте Башкортостанга карап, әнә шундый фикергә килгән.

Илебездә беренче тапкыр мөселманнар өчен пластик карталар дөнья күрде. Аны Башкортостаннның АФ-Банкы чыгара башлады. «Хәләл» дигән (гарәпчәдән - «рөхсәт ителгән») тамгалы банк картларына процент бирелми, димәк мөселман кешесе аңа акча салмаса, ул сумма артмый. Билгеле ки, шәгигать кануннары процентка акча бирүне һәм алуны тыя.

Шунысы кызык, Россиядә ислам динен тотучылар күп булса да, мондый бер банк та мондый хезмәт күрсәтергә ашыкмады. Башкорстан банкы җитәкчелеген «мөселман» картасын ясауга күп клиентларының картага процент исәпләмәвен сорап, гариза язулары этәргән. Соңгы арада мондый гаризалар бигрәк тә ешаеп киткән. АФ-банк хәзер хәләл картада акча саклаган өчен генә түләү ала. Бер елга ул — 140 сум.

«Һәр мөселман шәхси счетындагы акчаның ислам тыйган эшләргә (азартлы уеннар, хәмергә һ.б) тотылмавын белеп торырга тиеш. Биредә исә процент саналмагач, акча белән бары тик клиент үзе идарә итә», - ди төбәкнең Диния Нәзарәте рәисе Әюп Бибарисов.

Тиздән процентсыз банк картасыннан Удмуртиядә яшәүче мөселманнар да файдалана алачак. Республиканың Диния Нәзарәте Башкортостанга карап, әнә шундый фикергә килгән.

Динара Сәгъдиева

intertat.ru Татарстан Республикасы электрон газетасыннан