Рамазан ае дәвамында татулаштыруга юнәлдерелгән 40 очракка ирешелде - Р. Кадыров

Рамазан ае дәвамында татулаштыруга юнәлдерелгән 40 очракка ирешелде, ә 47се буенча тынычлык килешүе алып барыла.

Бу хакта IslamRF.Ru сайтына Чечня республикасы мөфтиенең беренче урынбасары, кан дошманнарны килештерү оператив җитәкчесе Вәлид Куруев хәбәр итте.  

В. Куруев сүзләренә караганда, рухи өлкәдә тынычлык урнаштыру эшендә һәм дәүләт властендә соңгы елларда яңа фактлар күзәтелгән. "Ачыкланганча, барысы 87 эш буенча күзәтчелек алып барырга туры килде. Рамазан ае дәвамында татулаштыруга юнәлдерелгән 40 очракка ирешелде, ә 47се буенча тынычлык килешүе алып барыла", - диде ул.   

Хәзерге вакытта, Чечня мөселманнары Диния нәзарәте рәисе сүзләренә караганда, гаилә һәм туганнарда дошманлаштыруны килештерү барышы бөтен республика буенча бара, биредә исә ул дәүләт власте вәкилләре катнашу белән генә аерылып тора. "Мондый фикер август аенда Рамзан Кадыйровка килде, ул Чечня республикасы мөселманнары Диния нәзарәтенә администрация башлыклары, министрлар һәм башка җаваплы кешеләр белән берлектә шушы эшләрне алып баруны йөкләгән иде", - дип ассызыклады дин әһеле. 

В. Куруев җиткергән мәгълүматлар буенча, кан дошманнары катнашында 2009 һәм быелгысы елда барлыгы 425 факт теркәлгән. Шуларның 382се килештерелгән. Изге Рамазан ае башына күп еллар дәвамында килештерелми килгән 56 очрак калган була. Ай дәвамында тагын 31 очрак өстәлә.