Чеченнар хәләл казылык ашап рәхәтләнәчәк

«Чеченагрохолдинг» ширкәте базасында хәләл казылык җитешерү цехы эшли башлады. Холдингның генераль директоры Гомәр Гучигов сүзләренчә, яңа цех заманда итальян техникасы белән җиһазландырылган. Әлеге җиһаз ярдәмендә көненә 3000 тонна ит җитештерергә мөмкин. 

«Әлегә цехта бер сменада 300 килограмм казылык эшләп чыгарыла. Алга таба әлеге санны арттырырга, ә казылыкны тагын да төрләндерергә ниятлибез», - ди Гомәр әфәнде.

Моңа кадәр Чечен республикасына ит ризыклары чит төбәкләрдән кертелә торган булган. Алар арасында сыйфат ягыннан калыша торганнары да очрый иде, дип сөйли Г.Гучигов. «Чеченагрохолдинг» ширкәте җитештергән ит ризыклары экологик чиста продуктлардан гына әзерләнә. Әлеге хәләл казылкларга аксымлы, соялы кушылмаларның берсе дә өстәлми. Шунысын да әйтергә кирәк, әлеге ширкәт казылык өчен итне дә үзе җитештерә икән. Холдингның үз мөгезле эре терлекләре бар.

Сүз уңаеннан, Чечняда хәләл ит ризыклары җитештерә торган беренче цех 2008 елда «Кавказ» агрохолдингының Аргун ит комбинатында ачылган. Анда көненә 300 килограмм хәләл ит ризыклары әзерләнә, дип хәбәр итә Чечня Президентының матбугат хезмәте.