Кембридж мәчетенең түбәсендә бакча да булачак

Үзенең кабатланмас архитектурасы, танылган университеты белән дан тоткан Кембридж шәһәрендә тиздән мәчет тә булачак. Яңа мәчетне гадәти итеп кенә төзергә җыенмыйлар. Ул экологик яктан чиста итеп эшләнәчәк.

Моңа кадәр шәһәрдә мөселманнар өчен бер генә мәчет тә хезмәт күрсәтми иде. Күп еллар дәвамында мөселманнар намаз уку өчен көйләнелмәгән, тәхарәтханәләре булмаган биналарны арендалап, җәмәгать намазларын шунда укыганнар. Ә мөселманнарның саны һаман саен арта бара икән. Нәтиҗәдә, 2008 елда мәчет төзү өчен җир сатып алына. Әмма мөселманнар шунда ук ашыгып, мәчет төзү эшенә тотынмыйлар. Алар иң баштан ук экологик чиста материаллар кулланып, Аллаһ йортын табигатькә зыян китерми торган итеп эшләргә ниятлиләр.

Мәчет төзелешен алып баручыларның берсе Тим Винтерс бу уңайдан: «Ислам дине табигатьне сакчыл карауны күздә тота. Без Аллаһы Тәгалә биргән байлыкны саклап тотарга тиешбез. Шуңа күрә мәчет төзегендә без җирле экологик хәрәкәтне дә уздырып җибәрдек. Чөнки төзелештә экологик яктан куркынычсыз булган иң алдынгы технологияләр кулланыла. Мәчетнең түбәсендә бакчага кадәр булдырдык», - дип  сөйләгән.

Мондый мәчет төзелү башка илләрдәге мөселманнарны да экология мәсьәләсенә йөз белән борыр, дип өметләнә алар, дип хәбәр итә IslamNews.ru сайты.