Испания хәләлләшә

Италиянең Тышкы эшләр, сәламәтлек саклау һәм авыл хуҗалыгы министрлыклары «Хәләл Италия» проектын спонсорлау буенча үзара килешү төзеделәр. Әлеге проектның максаты – «Made in Italy» маркировкасы белән җитештерелә торган продуктлар, косметика һәм даруларга хәләл стандартлары буенча сертификацияләү оештыру. Италиянең Ислам дини оешмасы (COREIS) Миланның сәүдә-сәнәгать палатасы үткәрә торган пилот проектында катнаша.

Проект буенча махсус структура төзеләчәк. Аның үзенең теркәлгән маркасы булачак. Әлеге маркировка Италиядә җитештерелгән теге яисә бу товарның хәләл булуын һәм җирле һәм Европа санитар нормаларына туры килүен раслаячак.

Италия үз товарларын дөнья кулланучылары тарафыннан кабул итүгә һәм җирле җитештерүчеләрнең ислам дөньясы белән кызыксынуын исәпкә алып, төзелә әлеге министрлыкларара килешү. Бу җитештерүчеләргә дәүләт ярдәмен гарантияләчәк һәм COREIS тарафыннан бирелгән «хәләл» сертификатын расларга ярдәм итәчәк. Шулай ук бу сертификацияләү продуктларны мөселман илләренә дә чыгарырга ярдәм итәчәк. Бу ислам илләре белән элемтәләрне ныгытуга бер адым булачак.

Әлегә дөньяда хәләл товарлар әйләнеше елына 500 миллиард евро тәшкил итә. Европада – 54 миллиард евро. Шуларның 5 миллиарды – Италиядә. Бу саннар - җитәкчеләре булган мөселман 120 фирма эшчәнлеге нәтиҗәсе, дип хәбәр итә «Ислам для всех» сайты.