![](/_pu/65/img_v_tatarstane_6580.jpg)
Россия төбәкләре арасында Хаҗга бару өчен квоталар бүленде. Квотаның иң зурысы Дагестан мөселманнарына эләкте. Алар өчен барлыгы 8000 урын бүлеп бирелгән. Быел Чечен Республикасыннан Хаҗга 3000, Ә Татарстаннан 2000 кеше барачак.
Ингушетиядән исә бераз азрак – 1500 хаҗи мөселманнар өчен Изге урыннарда булып кайтачак. Калган урыннар Төньяк Кавказ мөселманнарының Координация үзәге (1000 урын), мөселманнарның Үзәк Диния нәзарәте (2000 урын) һәм Россия Мөфтиләр Советы (3000 урын) арасында бүленгән. Бу урыннарга Чечня, Ингушетия, Дагестан һәм Татарстан республикалары кертелми.
Сүз уңаеннан, быел Согуд Гарәпстаны тарафыннан Россия өчен бүлеп бирелгән урыннарның гомуми саны 20500не тәшкил итә. Әлеге квота 1000 мөселманга 1 урын исәбеннән туры килә. Урыннар бүленгәндә гадәттә Хаҗга беренче тапкыр баручыларга өстенлек бирелә.