![](/_pu/65/img_v_tatarstane_6517.jpg)
ТР мөселманнары Диния нәзарәте 10 июньдә «Яшьләрнең тәрбиягә авыр бирелүчәнлеген җиңү» дип исемләнгән фәнни-гамәли конференция оештыра.
Татарстанда соңгы елларда ислам институтларының билгеле бер системасы барлыкка килде. Республикада 1200дән артык мәчет, Россия Ислам университеты (РИУ), югары һәм урта белем бирүче мәдрәсәләр эшли. Алар халыкны тәрбияләүгә зур өлеш кертә. Шул ук вакытта яшьләрнең күпчелегенең ислам һәм башка диннәр кыйммәтләре буенча белеме юк дәрәҗәсендә. Кыйбласы, ышанычы булмаган яшьләр заман шаукымына бирелә.
ТР мөселманнары Диния нәзарәте бу мәсьәләнең сәбәпләренә, аннан чыгу юлларына төшенергә тели, фәнни-гамәли конференция эшчәнлегенә фән эшлеклеләрен, хокук саклау органнары вәкилләрен, педагогларны җәлеп итәргә ниятли.