Мөселманнар арасында чаңгы ярышлары булып үтте

2012 елның 22 гыйнварында Татарстан мөселманнары Диния нәзарәте Казанның Идел буе районының 136 нчы мәктәбендә мөселман яшьләре арасында чаңгы ярышлары үткәрде. Ярышларда «Салихҗан», «Солтан», «Рамазан», «Әҗем», «Ал», «Кабан арты», «Фәрхәд», «Әниләр», «Борнай», «Өметлеләр», «Ризван», «Гадел» мәчетләре, РИУ, Ислам динен кабул итүгә 1000 ел исемендәге Казан югары мөселман мәдрәсәсе вәкилләре катнашты.

Беренче урынга Сираҗев Рәмис (Ислам динен кабул итүгә 1000 ел исемендәге Казан югары мөселман мәдрәсәсенең III курс шәкерте) лаек дип табылды. Икенче урын — Сабитов Айдарга («Кабан арты» мәчете), өченче урын Фәррахов Рәшиткә («Ризван» мәчете) бирелде. Җиңүчеләргә дипломнар, медаль һәм истәлекле бүләкләр тапшырылды дип хәбәр итте "Думрт.ру".