Мәчет имамнары һәм дини оешмалар укытучылары арасында шахмат ярышлары

2011 елның 25 декабрендә Татарстан Диния нәзарәте мәчетләр имамнары белән дини оешмалар укытучылары арасында шахмат ярышлары үткәрде. Ярышларда 13 команда: «Әниләр», «Солтан», «Ал», «Фәрхәд», «Ислам», «Ризван», «Әҗем», «Борнай» мәчетләре, Коръән хафизлар әзерләү Үзәге, РИИ, «Исламны кабул итүгә 1000 ел» исемендәге мәдрәсә вәкилләре катнашты.

Беренче урынны РИИның ислам хакукы кафедрасы җитәкчесе Мөхәммәтмурат хәзрәт Моратов алды. Икенче урынга РИИның филология һәм илләр турындагы фән кафедрасы җитәкчесе Тимур хәзрәт Шәйхуллин ия булды. Өченче урын «Солтан» мәчете имамы урынбасары Тимерхан хәзрәт Фәттаховка бирелде.

Җиңүчеләргә диплом, медаль, бүләкләр тапшырылды, дип хәбәр итә Татарстан Диния нәзарәтенең матбугат хезмәте.