Мөселманнар өчен телефон уйлап табылган

Enmac компаниясе мөселманнар өчен Enmac MQ710 телефоны эшләп чыгарды, дип хәбә итә The Daily Telegraph.

Аппарат хәтеренә гарәп телендә 29 телдәге (рус телен дә кертеп) тәрҗемәсе белән Коръән тексты, шулай ук Коръән белән аудиокитап һәм хәдисләр җыентыгы кертелгән.

Моннан тыш, Enmac MQ710, уйлап чыгаручылар мөселманнарга файдалы дип санаган, тагын берничә программа тәкъдим итә. Qibla Compass программасы Мәккәнең кайсы якта икәнлеген күрсәтә. Zakat Calculator зәкәтнең күләмен санап чыгара. Hajj Guide программасында дөрес итеп хаҗ кылу кагыйдәсе күрсәтелгән, ә Tasbeeh Counte тәсбих урынына кулланышта була ала.

Эшләп чыгаручыларның сайтында хәбәр ителгәнчә, намаз вакытында телефон турыдан-туры тавышсыз режимга күчә икән.

Аппарат 2,8 дюмлы сенсор экран белән эшләнгән. 240ка 320 пиксельле һәм ике SIM-карта белән эшли. Анда FM-радиоалгыч һәм видео яздыру функциясе бар. Enmac MQ710ның бәясе 499 ринггит (Малайзия акча берәмлеге буенча) яки 160 доллор тирәсе.

Телефоннардан тыш, Enmac мөселманнар өчен башка җайланмалар да чыгара. Шул исәптән, плеер, нетбук һ. б. Һәрбер җайланмага аудиокитап рәвешендә яки текст версиясендә Коръән кертелгән. The Daily Telegraph Enmacны Һинд компаниясе дип саный, әмма enmac.com сайтында аның Кытайдагы, Гонконгтагы һәм Малайзиядәге офислары хакында гына сүз бара, дип хәбә итә IslamNews.ru.