Казанда тәмәкегә каршы акция үтә

Бүген, Халыкара тәмәкегә каршы көрәш көнендә Казанның «Тандем» сәүдә-күңел ачу комплексында «Вместо» мәгълүмат-күңел ачу акциясе үтә.

Акциядә катнашучылар махсус аппатарт смоколайзер ярдәмендә күпме төтен сулаганнарын белә алачак.Теләүчеләр традицион викторинада, кроссвордларны чишүдә катнашып, бүләкләр ота, тәмәкедән котылу юллары турында мәгълүматкә ия була һәм Татарстандагы тәмәкегә каршы коалициягә кушыла ала.

Килүчеләр яңа проект — тәмәкедән котылуда ярдәм итә торган «кайнар линия»нең барлыкка килүе турында беләчәк. Аның телефоны 562-564-0 (эш вакыты: 15:00-19:00).

Акцияне «Выбор» профилактика Үзәге, Халыкара аеклык мөстәкыйль ассоциациясенең Казандагы бүлеге, Казанның яшьләр, балалар эшләре Комитеты ярдәмендә Казан волонтерлары советы, Татарстанның Иҗтимагый палатасы һәм «Пфайзер» әгъзалары оештыра.

Акциянең үткәрелү вакыты — 17:30дан 18:30гә хәтле.

Искә төшерик, күпчелек илләрдә Халыкара тәмәкегә каршы көрәш көне (No Smoking Day) һәр ноябрьнең өченче пәнҗешәмбесендә үткәрелә. Ул 1977 елда (American Cancer Society) Американың онкология җәмгыяте нигезендә оешты.

Халыкара тәмәкегә каршы көрәш көненең максаты — тәмәкегә бәйлелекне киметү, бу афәткә каршы көрәшкә барлык белгечләрне дә чакыру, тәмәке тартуның зыяны хакында кешеләргә аңлатма бирү, дип хәбәр итә kzn.ru.