Татарстанда салкын һәм буранлы көннәр көтелә

«Татар-информ» хәбәр итүенчә, якындагы көннәрдә Татарстан Республикасы территориясендә һава шартларының нык үзгәрүе көтелә.

3 ноябрьдә төньяк циклонның җылы секторы йогынтысы нәтиҗәсендә аномаль җылы һава саклана. Урыны белән яңгыр көтелә, төнлә температура 0-5 градус җылы, көндез 4-9 градус.

4 ноябрьдә республикада көннәр салкынаячак, карлы яңгыр явуы, 15-18 м/с тизлектәге җил көтелә, көндез урыны белән кыска вакытлы буран булырга мөмкин. Температура төнлә һәм иртән 4 градус җылыдан 1 градуска кадәр салкын, көн дәвамында кичкә температура 0-5 градус салкын тәшкил итәчәк. Көндез юлларда урыны белән бозлавык булырга мөмкин.

5 ноябрьдә температура 5-10 градус салкын булачак. Якынча фаразлауларга караганда, 6-7 ноябрьдә республикада явым-төшемсез салкын көннәр көтелә, дип хәбәр итә ТР Гидрометеорология һәм әйләнә-тирә мохитне күзәтү идарәсе.