Ураза–иманга сынау

29 июль көнне сәгать 10 да Саба район балалар китапханәсенең уку залында «Ураза — иманга сынау» дигән танып- белү сәгате узды. Китапханәче Шакирҗанова Г.Г. «Хуш киләсең Рамазан» исемле әңгәмәдә иман.шартлары, исламның биш баганасы булган –кәлимә-и шәһадәт, һәр көн биш намаз кылу, бай кешенең зәкят бирүе, хәленнән килгән кешенең хаҗга баруы, якынлашып килүче олугъ Рамазан ае уразасын тоту турында һәм аның хикмәтләрен аңлатты, « Салават күпере» нең кушымтасы «Кыйбла» журналының эчтәлеге белән таныштырды.Шушы журналда бастырылган «Мөселман балалары өчен кайбер дини сораулар»га балалар бик актив җавап бирделәр.Соңыннан «Ислам дине мәңгелек» дигән күргәзмәдән балалар үзләрен кызыксындырган китапларны өйдә укырга алдылар, дип хәбәр итә saby.tatarstan.ru