«Татар-Ислам.Ру» һәм «Инфо-Ислам.Ру» мәгълүмати агентлыклар ММЧ буларак теркәлде

«Ислам info» Медиа төркеменә керүче «Татар-Ислам.Ру» һәм «Инфо-Ислам.Ру» мәгълүмати агентлыклар Элемтә, мәгълүмати технологияләр һәм гаммәви коммуникацияләр өлкәсендә федераль күзәтү хезмәтендә массакүләм мәгълүмат чаралары буларак теркәлде. «Татар-Ислам.Ру»ның таныклыгы — ИА № ФС 77 — 45781, «Инфо-Ислам.Ру»ныкы — ИА № ФС 77 — 45782. Хәзер исә «Ислам info» Медиа төркеменә керүче барлык ММЧның да дәүләт теркәве узу турында таныклыгы бар.

Медиа төркемгә 4 ММЧ керә. Болар — «Татар — Ислам.Ру», «Инфо — Ислам.Ру» сайтлары һәм татар, рус телләрендә дөнья күрүче «Ислам info», «Восточный маркет» газеталары. Барлык мәгълүмати чараларның айлык аудиториясе 250 мең кешене тәшкил итә. Шунысын да билгеләп узу мәслихәт: 100 мең тираж белән нәшер ителүче «Восточный маркет» «Сөләйман» дагы сукырларны Тернәкләндерү үзәгенә булышу максаты белән барлыкка килде. Рекламадан алынган керем шушы үзәкнең ихтыяҗларына тотыла. Барлык басмаларның да оештыручысы-ТҖ МДНнең Казан мөхтәсибәтенең «Сөләйман» мәчете имам-хатибы, «Ярдәм» Ислам милли хәйрия фонды рәисе Илдар хәзрәт Баязитов.

Болардан тыш, Медиа төркемнең nikahrt.ru дигән социаль ресурсы бар. Анда үзенә яр эзләүче 10 меңнән артык кеше теркәлде инде.