Мәккә шәһәрендә «Ислам дөньясы: проблемалар һәм алардан чыгу юллары» конференциясе узды

2011 елның 23-25 июль көннәрендә Мәккә шәһәрендә (Согуд Гарәпстаны) «Ислам дөньясы: проблемалар һәм алардан чыгу юллары» конференциясе узды. Әлеге конференция мөфтиләр һәм барлык ислам дөньясы галимнәре катнашлыгында узды. Татарстан Республикасыннан Илдус хәзрәт Фәйзов катшнашты. Конференция «Фетнә белән каршы торуда ислам юлы», «Дини һәм заман проблемалары арасында мөселманнар», «Әңгәмә билгеләмәсе, аның нигезләре һәм исламда тормышка ашыру», «Әңгәмә һәм социаль-сәяси проблемаларны чишү», «Әңгәмә һәм мөселман өммәтенең бердәмлеге» кебек берничә секциядә үтте. Әлеге конференциядә Мөфти Илдус хәзрәт Фәйзов Согуд Гарәпстаны короле белән дә очрашты. ТҖ МДН