«Ислам info» киоскларга чыга башлады

Безнең «Ислам info» газетасы июнь аеннан Казандагы киоскларга чыгарыла башлады.

 Исегезгә төшерәбез: 2005 елның апреленнән «Сөләйман» мәчете мәхәлләсе органы буларак нәшер ителгән җәридә (газета) 2008 елда Татарстан Диния нәзарәте тарафыннан республика күләмендә оештырылган мөселманнарның гаммәви мәгълүмат чаралары бәйгесендә җиңеп чыкты. Хәзер дә бу басма үзенең уңышлы рәвештә басылып килүен дәвам итә. Аның аеруча «Язмышлар чатында», «Күңел күзе», «Сорау-җавап», «Тарих», «Әдәбиятыбыз хәзинәләреннән», «Сәхабәләр тарихы» дигән сәхифәләре мөселманнар тарафыннан яратып укыла.