Кукмара мөселман мәдрәсәсендә 12 нче чыгарылыш булды

Аны 106 кеше, шул исәптән, русча укыту бүлеген 4 кеше тәмамлады

Кукмара муниципаль районындагы мөселман мәдрәсәсе 1998 елда ачылды. Быел аның 12нче чыгарылышы булды, аны 106 кеше, шул исәптән, русча укыту бүлеген 4 кеше тәмамлады, дип хәбәр итә «Хезмәт даны» газетасы.

Башка еллар белән чагыштырганда, бу — иң зур саннарның берсе. Шәкертләрнең 13е — ирләр, 38е — хатын-кызлар, 20се — малайлар, 35е — мәктәп яшендәге кызлар. 26сы — Кукмарадан, 80е — авыллардан. 24 авылдан, шул исәптән, Саба, Мамадыш районнарыннан һәм Киров өлкәсеннән килеп укучылар бар. 5 ир-ат, 33 хатын-кыз барлык фәннәрне «бик яхшы» билгеләренә генә үзләштергәннәр. Гомумән алганда, мәдрәсәдә 870 кеше дин гыйлеме алып чыккан дип хәбәр итә "Татар-информ" агентлыгы.