«Ярдәм» мәчетендә корбанга заказлар. Әңгәмәләр. Татар-Ислам

Казанда «Ярдәм» мәчетенә корбанга сыер, сарыкларга заказ биреп була.
Без барысын да шәригать кушканча чиста итеп чалабыз, аннары моҗтажларга таратабыз, юксылларга ашатабыз.

Корбан чалу кемнәргә тиеш дигәндә, дин әһелләре: “Корбан чалу — ул күбрәк социаль әйбер. Социаль яктан кешеләргә файдасы булсын дип эшләнә. Һәм шуңа күрә Коръән китабында Аллаһы Сөбханәкә Тәгалә ул кешенең балигатькә җиткән кеше булырга тиешлеген әйтә. Шәригатебездә ул 13-15 яшь.

Әгәр дә аның үз акчалары бар һәм нисабка җиткән икән, аңа корбан чалу ваҗиб була. Аннан соң ул азат кеше булырга тиеш. Әгәр дә ул төрмәләрдә утыра икән, акчасы булса да, аңа корбан чалу ваҗиб булмый. Ягъни чалмаса, аның өстендә гөнаһы булмый”, — дип аңлата.

Корбан чалу кемнәргә тиеш?
“Корбанны Аллаһы Тәгалә ризалыгы өчен чалсагыз, шушы һәрбер ит кисәге, һәрбер йоны, һәрбер канның тамчысы сезгә истигъфар, мәгъфирәт булып, Аллаһы Тәгалә сезнең хата-гөнаһларыгызны гафу итәчәк, ди. Ягъни без гаилә исеменнән чалабыз икән, Аллаһы Сөбханәкә Тәгалә бөтен гаиләне гафу итәчәк, Алла боерса. Әгәр берәр әрвахка багышлап чалабыз икән, шушында Аллаһы Сөбханәкә Тәгалә шушы әрвахны гафу итеп, иншаллаһ, аларга җәннәтләрен бирер дигән өметтә калабыз”, — ди хәзрәтләр.
Корбанлык нинди булырга тиеш?
Корбанлыкка сарыклар, кәҗәләр, сыер һәм үгез суярга ярый. Кәҗәгә бер яшь тулган булырга тиеш. Сарыклар зур гәүдәле булып күренә икән, ярты еллык булса да чалырга рөхсәт ителә. Сыерлар һәм үгезләргә ике яшь тулган булырга тиеш. Дөяләрне корбанлыкка китерү рөхсәт ителә. Мөгезле эре терлекне җиде кеше җыелып, корбанга чала ала. Эре терлекне чалганда, барлык кешеләрнең дә корбанлыкка дип ниятләве кирәк. Әгәр берәрсе булса да иткә дип кушыла икән, бу корбанлыктан китми.Корбанлыкның тышкы кыяфәтенә карата да шартлар куела. Пәйгамбәребез с.г.в. әйтә: “Сез сарыкны сайлаганда иң яхшысын сайлагыз”, — ди.
«Аның мөгезләре сынмаган, койрыгы өзелмәгән булырга, күзе күрергә тиеш. “Корбан сүзен тәрҗемә итсәк, без Аллаһ ризалыгы өчен иң яхшы булган, иң кадерле булган әйберен биреп, Аңарга корбан итәбез, Аллаһы Тәгаләгә якынрак булабыз. Шуңа күрә әгәр дә сарыгы, сыеры берәр зыянлы икән, ул корбанга туры килми. Һәм аны чалудан файдасы булмый”, — ди Казандагы хәзрәтләр.

Игьтибар: корбанлыкны моннан сорарга, заказ итәргә була: https://yardemfond.ru/zakazat-kurban/ .

Без барысын да шәригать кушканча чиста итеп чалабыз, аннары моҗтажларга таратабыз, юксылларга ашатабыз. Белешмәләр өчен телефоннар:

+79274021970 Сарыклар сую өчен.
+79047609950 Сыерлар өчен.

Шулай ук суелган корбан итен «Ярдәм» мәчетендә туплау бара.

Мәчет аны мохтаҗларга ашата.
Бу турыда монда укырга була: https://yardemfond.ru/?p=23465 .