"Аллаһ матур һәм матурлыкны ярата"

“Арт-терапия һәркемнең тормышын шатлык белән тутырырга сәләтле һәм шуның белән кадерле дә. Кеше үзенең күңелен борчыган хәсрәт-борчуларыннан котыла, аның уй-фикерләре үзгәрә һәм күңеле бушанып кала, ә үзе уңай хис-кичерешләргә байый”, - дип аңлата психолог.

Адәм баласының нәрсәсен тартып алып булмый? Дөрес! Адәм баласыннан һәрвакыт аерылгысыз булган әйберләрне. Мәсәлән, аның сулыш алуы, аңы, хәтере һәм игътибары...

“Ярдәм” хәйрия фондының “Бер-беребезгә булышыйк”, "Йөрәк белән күрәм һәм ишетәм", "Сөйли торган куллар" социаль проектлары буенча алып барылган курсларның тернәкләндерү программаларына арт-терапия – кешенең хис-кичерешләрен җайга салу, аңа психологик ярдәм күрсәтү юнәлешендә дәресләр кертелгән.

“Арт-терапия һәркемнең тормышын шатлык белән тутырырга сәләтле һәм шуның белән кадерле дә. Кеше үзенең күңелен борчыган хәсрәт-борчуларыннан котыла, аның уй-фикерләре үзгәрә һәм күңеле бушанып кала, ә үзе уңай хис-кичерешләргә байый”, - дип аңлата психолог.

Шундый дәресләрдә әйтик күзе күрмәүчеләр яки арбада һәм култык таяклары белән йөрүчеләр, ДЦП диагнозлы кешеләр, колагы ишетмәүчеләр, көчле булырга өйрәнәләр. Иң мөһиме – алар ул көчне үзләренең эчке дөньясыннан табарга тиеш.

Психолог сүзләренчә, алар дәрестә, фикерли, фикерли, сулыш алырга өйрәнә, якты, матур хатирәләрне искә төшереп, рәсем ясый һәм рәхмәт сүзләрен җиткерә. Шулай итеп, курсантларның бер көнен чәчәкләр, салават күпере, матур теләкләр, игътибар һәм кайгырту кебек сыйфатлар бизи. Әгәр кешенең игътибарын матурлык һәм башка уңай күренешләр җәлеп итә икән, бу аңа көч бирә һәм шатландыра. Киресенчә булганда, көч китә. Монда сөекле Пәйгамбәребезнең "Аллаһ матур һәм матурлыкны ярата" дигән хәдисен искә төшерү дә җитә.

“Ярдәм”дә тернәкләнү узучылар үзләренең бәхетле булу тарихлары белән уртаклаша, рәсемнәрен күрсәтә икән, аларның бәхетләре ташып чыга һәм ул сыйфат башкаларга да күчә. Кешенең күңел халәте шушы мизгелне тотып ала – кеше менә шушы мизгелдә бәхетле була һәм шуңа шатланып яши.