Сорау-җавап

Мин егетем белән намаз укыйм. Безнең ата-аналар очрашканыбызны беләләр һәм никаһка да каршы килмиләр. Ләкин ике елдан соң гына кавышырсыз дип әйтәләр. Ә без хәзер никаһ укытырга телибез, чөнки интим мөнәсәбәтләр хәрам булмаска тиешләр. Безнең очракта ата-аналарсыз гына никаһ үткәрергә буламы?

Хәнәфи мәзхәбе буенча вәлиләрнең ризалыгы мөһим түгел, ләкин ул никаһны юкка чыгара ала, әгәр дә тигезсез никаһ булса, килешү нигезендә мәһер түләнмәсә.

Минем дустым (хатын-кыз) үзенең туена мине шаһит блырга чакырды. Ул христиан динендә, шуңа күрә, алар чиркәүдә кавышалар. Миңа шаһит булырга ярыймы? Зөһрә

Поп егет белән кызны никаһлаганда, шаһитләр дә моны кабул итәләр. Кыз артында иптәш кызы, егет артында дусты басып тора. Алар бу никаһның догалы сакчылары итеп исәпләнәләр. Шуңа күрә, алар диннәре буенча христиан булырга тиешләр.

Шуңа күрә, аларның туенда шаһит булырга яроамый, чөнки сез мөселман.

Эчем авыртканга күрә, табиб миңа аз-азлап кына көнгә биш мәртәбә ашарга кушты. Рамазан аенда нишләргә? Нәзир

Мөселман табибы янына да барып карагыз. Әгәр аны тапмасагыз, шушы табиб кшканча эш итегез.

Елгада, диңгездә, бассейнда бөтен тән белән су керсәм, яки душ керсәм, тәһарәт алынамы?

Мондый вакытта “Госел-тәртиби” кабул булмый, чөнки аны тәртип буенча алырга кирәк, мәсәлән, башта баш белән муенны, аннары тәннең уң як өлешен юарга кирәк. “Госел-иртимаси” кабул була, әгәр дә башыгыз белән суга чумсагыз. Андагы су сезне күмәргә тиеш.