Ураза вакытында ир белән хатын арасындагы якынлык кылуга нинди җәза каралган?

Рамазан аенда ураза вакытында (таң атканнан алып кояш баеганчыга кадәр) хатын белән якынлык кылу катгый тыелган. Кояш баи башлаудан алып, иртәнге намазга чаклы ир белән хатын бернинди чикләүләрсез якынлык кылырга мөмкиннәр. Әгәр ураза сәгатьләрендә якынлык кылынган булса, ураза бозылган булып санала. Әгәр кеше аны бозса, ике ай буена рәттән ураза тотып, үз гөнаһысыннан арынырга тиеш. Әгәр физик яктан 2 ай буена ураза тота алмаса, 60 ярлы кешене ашатырлык акча бирергә тиеш.

Ә гөнаһыдан мондый ысул белән кем арынырга тиеш дигәндә, барлык илаһият белгечләре дә ир кеше дигән фикердә торалар, күпләр шулай ук хатыннар да гаепле диләр. Шәфигый мәзһәбендә исә мондый төр җәза хатыннарга кагылмый дигән фикердә торалар. Бу очракта гүзәл зат бер көн ураза тоту белән чикләнә.

Әгәр ураза вакытында ир белән хатын онытып җибәреп яисә белмичә якынлык кылса, моның өчен җәза каралмаган.

Әгәр алар күп тапкыр онытып гөнаһ кылсалар, уразаның һәр көне өчен 2 ай исәбеннән ир белән хатын ураза тотарга тиеш була.

Ир белән хатын җитди сәбәпләр аркасында ураза тотмаса, көндез аларга якынлык кылырга ярыймы? Рөстәм

Мәсәлән, мосафир булып, алар ураза тотмасалар, гадәти вакытта тыелмаган нәрсәләр аларга тыелмый.

Көчле теләк уразаны бозамы? Без көндез хатын белән шактый мавыкканбыз, әмма якынлык кылмадык. Шуны белергә телим: уразабыз бозылдымы, юкмы?

Әгәр турыдан-туры якынлык кылынмаса, ураза бозылмый.

Сорауларга Мәскәү шәһәре имамы Шамил хәзрәт ГАЛӘВЕТДИН җаваплар бирде