ТАУЛАР ТУГАН МЕНӘРГӘ

Бәхетле көннәр булсынга,
Кирәк: түзәргә.
Язмыштагы сынауларны
Тырышу җиңәргә.
Шатлыклы булыр күз яше
Сабыр иткәндә.
Дуслар күп була, йөзләрең
Елмаю чәчсә.
Йөгәнләргә өйрән хисең,
Һәрчак белгертмә.
Әйтер сүзең әче тойсаң
Калдыр, эндәшмә.
Белгерткән фикер төрлечә
Тәэсир итә.
Җылы сүзләр - җанга дәва,
Тот син исеңдә.
Авырлыклар биреләләр
Безгә чишәргә.
Таулар туган, сукмак салып,
Үргә менәргә.
Һәркайсыбыз лаектыр ла
Олы бәхеткә.
Сөенечле гомер телим,
Һәрберегезгә.