Мөслимәнең эшләү шартлары

Ислам дине хатын-кының гаилә һәм җәмгыятькә файдалы эш белән шөгыльләнү хокукын хөрмәт итә. Шулай ук, Исламда хатын-кызның хезмәтен тыю юк. Ләкин хатын-кыз табигатенең үзенчәлекләрен исәпкә алып, Шәригать хатын-кыз хезмәтенә берничә шарт билгели:

1.      Хатын-кыз мөмкин кадәр ирләрдән аерым хезмәт итәргә тиеш. Чөнки бергә эшләү хатын-кызларга да, ирләргә дә зыянлы.

2.      Эшләргә теләүче хатын-кыз иреннән, әтисеннән яки абыйсыннан рөхсәт алырга тиеш.

3.      Хезмәт итү хатын-кызның физик һәм рухи халәтенә начар тәэсир итмәскә тиеш.

4.      Хатын-кызлар үзләренең хезмәте күбрәк файда китерә торган эш белән шөгыльләнергә тиеш:

·         тәрбия һәм укыту өлкәсе;

·         сәламәтлек саклау, аеруча гинекология өлкәсе;

·         сәүдә, психология, дизайн өлкәсендә киңәшләр бирү хезмәте;

·         язучылык хезмәте.

5.      Эш артык күп вакытны алмаска, хатын-кызның үзенә, балаларына һәм иренә вакыты калырга тиеш.

6.      Өйдә булмаганда хатын-кызга бизәнү һәм хушбуйлар сөртү тыела. Ул тыйнак киенергә һәм чит кешеләр алдында үзен хак мөэминә итеп тотарга тиеш.